妻子在家好食懶做惹丈夫不滿，一名港男發文苦訴，妻子辭職後轉當全職媽媽，卻從不做家務，連洗衣機也不懂使用，每天只顧玩手機，甚至會在家吸煙影響子女，事主力數妻子6宗罪，正考慮跟對方離婚。
同場加映：
管家王 ︳維修達人拆解風筒損壞3大主因 吹頭後做一個動作更耐用
夫妻關係 ︳懷孕被炒無收入遭老公埋怨，港媽斥食軟飯嘆被當搵錢機器，詳情即睇：【下一頁】
碌卡無節制
一名男網民日前在「香港討論區」中發帖，表示與女朋友相識3年就結婚，夫婦育有子女。他指妻子本來就沒有承擔家中使費，約1年前突然要求他幫忙找卡數，金額甚至越來越大，形容她「次次碌到冇節制」，在他追問之下，妻子始透露已經辭職。
從不做家務 在家只煲劇
他指妻子辭職後轉做全職媽媽，雖然有照顧子女，但從不做家務，不會打掃、洗衫、執拾；妻子雖然偶爾會煮飯，但只是隨便炒菜後拍照放上網「呃like」，「演戲」後要事主幫忙洗碗和清潔廚房，事主形容「還原整理廚房時間仲耐過佢煮飯」。由於妻子知道有人替她善後，更加懶得清理，「家務唔識做，連洗衣機都唔識用，吸塵機吸頭放邊都唔知，垃圾房都唔識去」。
他又指妻子在家大部分時間都是玩手機和煲劇至夜深，每次放工回家都見到廚房有一大堆包裹盒和垃圾，要他幫忙善後。
愛在家煲煙 人前扮「好媽媽」
他又批評妻子煙癮大，每小時都去廁所「煲煙」，又形容對方脾氣差，一遇到不順心的事就罵子女和家人出氣，甚至會偷子女利是和儲蓄，但在人前又扮作「好好相處媽媽」，
「做戲！出面做完美媽媽，唔敢同其他朋友、阿媽講自己冇職（返工），扮返工有出錢出力幫屋企，實際唔多，佢幾個密友信晒佢或者唔敢出聲。輸打贏要，又懶又唔想其他人知。」
常唱衰老公
事主亦不滿妻子經常拿他跟友人的丈夫比較，大讚對方賺錢多，又周圍「唱自己老公」，卻不會檢討自己，「做嘢份糧出晒佢使費之餘，仲要食好嘢，買好嘢滿足佢虛榮心，自己就被佢搾到乾，（係）咁使錢但冇能力還錢，挑食又浪費食物成日食唔晒，買嘢買玩（具）又唔用浪費錢，咁得閒又唔上進，唔進修」。事主坦言希望妻子能重返職場，甚或改嫁有錢人，
「又懶又貪，去搵個有錢佬做『小三』算啦，希望佢搵到個大富豪或者富二代啦！越快越好，唔介意有富豪睇上佢然後搶埋佢，會雙手奉上。」
考慮分居離婚
事主坦言一開始都會容忍妻子，但對方越來越過分，認為夫婦無未來可言，甚至後悔當年的結婚決定，批評妻子婚前婚後兩個人，直言「完全係一宗詐騙」，但為子女著想而未有離婚。二人曾多次溝通，他形容妻子絲毫不肯退讓，亦不肯離婚或見婚姻輔導員，事主提出請外傭照顧子女，她亦拒絕重新工作，
「次次出少少聲就黑晒臉企硬或者扮聽唔到，只係會理對自己有利嘅嘢，自私！應該嘈一輪，然後過幾個禮拜又變番咁。而家一有獨處時間就格外珍惜，慘過坐監。」
惟事主指已忍無可忍，希望農曆新年或子女學期結束後跟妻子「攤牌」，分居離婚，直言「經此事後來世應該保持單身」。
網民：放大家一條生路 VS 方法總比困難多
不少網民看到帖文後，批評事主妻子毫無優點，如夫婦再無感情可言，妻子亦不願意作出改變，建議他跟對方離婚，免得日後影響子女。有網民則著二人多作溝通，給予妻子機會。
↓ 點 擊 圖 片 放 大 ↓
- {{hket:inline-image name="d.jpg"}}{{/hket:inline-image}}
- {{hket:inline-image name="COdf.jpg"}}{{/hket:inline-image}}
- {{hket:inline-image name="COwe.jpg"}}{{/hket:inline-image}}
- {{hket:inline-image name="Cewf.jpg"}}{{/hket:inline-image}}
- {{hket:inline-image name="COewf.jpg"}}{{/hket:inline-image}}
- {{hket:inline-image name="Csdvv.jpg"}}{{/hket:inline-image}}
- {{hket:inline-image name="Whats.jpeg"}}{{/hket:inline-image}}
- {{hket:inline-image name="Csdv.jpg"}}{{/hket:inline-image}}
- {{hket:inline-image name="CO2e.jpg"}}{{/hket:inline-image}}
- {{hket:inline-image name="COfdb.jpg"}}{{/hket:inline-image}}
無法放下︳結婚39年妻染疫亡，情深夫訂造1:1雕像，朝夕相對每日梳頭整裝，詳情即睇：【下一頁】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
每朝索取《晴報》：精明生活．健康家庭．開心娛樂